As viaxes de Gulliver

O club que temos entre tres (Con Eles + IES Castro Alobre + CEE Vilagarcía)  non para. Viaxe para aquí  , viaxe para alá . Uns días quedamos no noso cole, outros no insti e outros na Biblioteca Municipal de Vilagarcía. Uns días quedamos para ler , outros para falar , outros para ver a peli  do libro que estamos lendo, outros para facer un libro xigante…

Un pouco de todo Como ten que ser

No libro participamos todos os do club e despois, levámolo a encadernar ao taller de reprografía do cole. Que ben nos atenderon  E que bonito quedou :

Agora imos comezar cunha nova aventura… un clásico.

Xa vos contarei… que eu voo por riba deles

Frida

The very hungry caterpillar

Non, aínda non sei inglés, perooo… Cando se trata de ir escoitar un conto, alá vou! 

“The very hungry caterpillar” ou, o que vén sendo o mesmo, “A euruguiña comellona”, non me defraudou. (A temática xa me gustaba antes de coñecer a historia )

Pois iso, que non son a única que enche o bandullo, as eirugas seique tamén lle dan ben. E comendo, comendo vanse aprendendo números, froitas ou os días da semana. Información e vocabulario moi importante cando eres máis pequecho.

Que sorte teñen as eirugas que se converten en bolboretas!

Son case tan bonitas coma min!

Frida

Fin de festa!

Pois aquí me tendes, ao final fun eh?

Si, si… Hoxe mesmo ás 11:30 estaba na Biblioteca Municipal de Vilagarcía para ver a Cris de Caldas contarnos unha chea de historias, libros e contos preciosos. Contadas de todo o mundo.

Como me divertín!

E coido que os rapaces tamén, a biblio foi unha festa   Calquera día bótannos, menos mal que foi o último día…

Contos de aquí e de acolá, de amor, de soños e de bolboretas que se converten en flores.

Non perdín ollo 

Ademais, os nosos compañeiros de lectura regaláronnos uns xabóns que arreceden de marabilla, gracias “Con Eles”, vémonos o curso que vén.

MOITAS GRACIAS a todos os que fixeron posible este fin de festa!

Frida

A volta ao mundo en 80 días

A volta ao mundo en 80 días rematou. E rematou ben   

Desta volta no canto de ler os últimos capítulos do libro, deixamos en suspense a nosa aventura para saber o final vendo en familia a película  !

Non faltaron flocos de millo e zume para todos. E que no centro de “Con Eles” trátannos moi ben! MOITAS GRACIAS a todos por recibirnos sempre así e, especialmente a Sandra, por ser a nosa mediadora do club de lectura fácil.

Por moitos anos! 

Nós tamén lle levamos un pequeno agasallo , un cariño de agradecemento por compartir con nós lecturas, experiencias e momentos inesquecibles .

O vindeiro xoves rematamos, todos xuntos, cunha actividade especial…

Terei que ir, ou? 

Xa vos contarei!

Frida

Seguimos lendo

Seguimos lendo e aprendendo, pouco a pouco imos avanzado coas andainas de Leonardo e Antón. O venres pasado como fixo tan bo tempo quedamos fóra; ademais, como os rapaces xa estaban todos xuntos, agrupados, aproveitei a ocasión e puxémonos a ler, a falar, a rir e a pasalo ben. Desta volta a profe Miriam tamén nos acompañou , porque xa sabedes…

Cantos máis, mellor

Porque ler está ben, xenial! Pero estar cós amigos, eso sí que mola!

Vémonos

Frida

Comparto e leo con Frida

Con esta calor  dixen, vou dar unha volta antes de afogar na biblioteca, e seique que pola Estrada estase máis fresco, así que…

Taxiiiiiiiiiiiiiiiiiii 

O meu amigo Basilio vive alí, e eu que son moi viaxeira (xa volo levo dito), coñezo ben esa terra. Polo que marcho encantada de poder volver por eses mundos… Que vila máis bonita, verdade?

De seguro que Basi e eu imos pasar uns días marabillosos os dous xuntos. Que aventuras me terá preparadas?

Que ben saímos os dous nas fotos!

Frida

Comparto e leo con Frida

Taratatá tatáaaa! Paseíño de novo! Hoxe fixen a maleta para acompañar ao meu amigo Xián, e case levo unha amiga comigo (Pepita) pero ao final pensouno mellor. Nunca vos falei desta compañeira, non? Pois tamén vive no cole pero na planta de abaixo. Levámonos moi ben e contamos moitos contos, (cando marchan todos, claro ), un día destes poño unha foto das dúas xuntas. O caso é que a Xián tamén lle cae moi aquelada á Pepita, por iso a invitou… Pero non puido ser .

Ao que ía, déixovos unhas fotos para que vexades que contento marchou Xián:

Eu tamén fun contenta, eh?

 Para Sanxenxo vou camiñando…

Frida

Sesión ao aire libre

Esta semana fixemos a sesión do club de lectura no recreo do mércores, normalmente é os venres pero os rapaces tamén saben flexibilizar…

A verdade é que o tempo acompañou 

Xa saberedes que o luns 23 de abril celébrase o Día do Libro, e para ir quecendo os motores as mestras organizaron unha dinamización lectora “Libros de recreo”, e como non perdo comba pois achegueime ata alí a ler un pouco. A idea foi experimental, xa que os nenos non sabían nada. Cada un foise achegando aos distintos recantos, saltando dun para outro… A actividade non era obrigatoria, pero coido que case todos participaron . “Bueno”, a verdade é que os do club foron un pouquiño guiados a participar no recuncho onde estaba o libro de “Leonardo e os fontaneiros”.

É que aínda nos resta moito por ler!

Temos que repetir, paseino pipa!

Frida

Comparto e leo con Frida

Hoxe tocoulle a quenda a miña amiga Marta, díxenlle:

– Oes, Marta, podo ir contigo para a túa casa?

 

E alá fun no taxi, a sacar unhas fotiños con ela. No cole tamén saquei algúns retratos, por certo que son ben fotoxénica  Aiiiiii! Pero se non se me ve! 

En fin, este proxecto vaime levar por moitos lugares, pero non vos preocupedes que eu sei ben a onde pertenzo. Sei cal é o meu fogar, e sempre volverei.

Frida

Bágoas debaixo da cama

O sábado, sabadete tiven a oportunidade de asistir á presentación do libro “Bágoas debaixo da cama”. Ana Meilán, a autora do libro, fixo unha contada chea de emocións na libraría Pintaletras da Estrada.

Ata alí fun eu voando 

Foi unha tarde moi gustosa rodeada de libros, xoguetes e nenos. Ademais de desfrutar do bo facer de Ana, aproveitei a oportunidade para recoller novas aprendizaxes que poñer en práctica cós meus queridos rapaces de Vilagarcía.

Se queredes saber máis sobre Ana Meilán e o seu libro, podedes premer no seguinte enlace www.entrenubesycuentos.com, onde podedes atopar material para descargar e facer diferentes actividades con el. Mola eh? 

Pois xa sabedes, a traballar!!! Eu seguro que lles conto o conto aos rapaces un día destes…   Un día que teña tempo, ou que eles non teñan nada programado ou… A saber!

E que non temos parada!

Frida